Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 205 Hüküm no: 252 Orijinal metin no: [27b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İsmail’in Gülistan Hatun’a olan borcunu ödemesi Maʻrûz; İşbu bâʻisü’l-iʻlâm Gülistan nâm hatun Eyüb mahkemesine ihzâr olunan İsmail nâm kimesne ile terâfuʻlarında mezbûr İsmail zimmetinde cihet-i karzdan bâ-temessük iki yüz guruş hakkımdan bâkī altmış guruş hakkım kalmağla taleb ederim deyü daʻvâ etdikde mezbûr İsmail dahi ber-vech-i muharrer ikrâr lâkin bâkī meblâğ-ı mezbûr altmış guruşu üç ay mukaddem müddeʻiye-i mezbûre Gülistan’a edâ ve teslîm etmiş idim deyü eylediği defʻ-i mezbûresini isbâtdan acz ve talebiyle müddeʻiye-i mezbûre Gülistan baʻde’l-halfi’ş-şerʻî meblâğ-ı bâkī-i mezbûr altmış guruşu müddeʻiye-i mezbûre Gülistan Hatun’a edâ ve teslîm etmek üzere iʻtirâfına binâʼen mezbûr İsmail’e tenbîh olunup tescîl olunduğu bi’l-iltimâs huzûr-ı âlîlerine iʻlâm olundu. Recebi’l-ferd sene 1160