Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 205 Hüküm no: 253 Orijinal metin no: [28a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe’nin darbedildiği yolundaki iddiâsını ispatlayamadığı Maʻrûz; Medîne-i Eyüb’de sâkin Ali Beşe b. Abdurrahman nâm kimesne horasancı tâifesinden hâmilü’l-iʻlâm Gazar v. Kirkor nâm zimmî muvâcehesinde merkūm Gazar târîh-i iʻlâm günü horasancı dükkânına vardığımda bi-gayr-ı hakkın amden boğazıma yapışıp ve beni kireç kuyusuna düşürüp işbu cübbe ve biniş çukalarımı kireç eyledi deyü tasaddî eylediği daʻvâsını isbât edememekle talebiyle merkūm Gazar zimmî baʻde’t-tahlîfü’ş-şerʻî mûcebince bilâ-beyyine bî vech muʻârazadan menʻ olunduğu medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emr hazretlerinindir. Fi’l-yevmi’l-hâdî aşer min-Recebi’l-ferd sene sittin ve miʼe ve elf.