Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 205 Hüküm no: 254 Orijinal metin no: [28a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Arzu bt. Parnik’in kocasının evine dönmeyi kabul ettiği Maʻrûz; Mahmiye-i İstanbul’da Samatya’da mütemekkine Arzu bt. Parnik nâm Nasrâniye medîne-i Eyüb mahkemesine ihzâr etdirdiği zevc-i dâhili hâmilü’l-iʻlâm Çömlekci Mıgırdıç v. Aram muvâcehesine merkūm Mıgırdıç hâlâ zevcim olup lâkin dört aydan beri ben Samatya’da karındaşım yanında misâfireten sâkine olmağla benim ve kızım Nazlı nâm sagīrenin müddet-i mezbûrede nafaka-i masrûfemi taleb ederim deyü iddiʻâsı zevc-i merkūm izinsiz ve hâkim takdîrsiz olduğuna binâʼen nafaka mütâlebesinden men olundukdan sonra baʻde’l-yevm merkūm Arzu zimmî-i merkūm Mıgırdıç’ın mütemekkine olduğu menzilinde maʻan sâkine olup izinsiz âhar mahalle gitmemek üzere müteʻahhide olmağla merkūm Mıgırdıç zimmî dahi zevcesi merkūme Arzu ile sulbiye sagīre kızı Nazlı’yı iktizâ eden kadr-i maʻrûf nafakalarını görmeye taʻahhüd eylediği baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fermân men-lehü’l-emrindir. Fi’l-yevmi’l-âşir Recebi’l-ferd sene sittin ve miʼe ve elf.