Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 206 Hüküm no: 256 Orijinal metin no: [28a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Suyolcu es-Seyyid Hasan’ın cezalandırılması Maʻrûz; Suyolcu tâifesinden es-Seyyid Hasan nâm kimesne medîne-i Eyüb’de mevâziʻ-i adîdede suyolu üzerinde olan kaldırımlarını nakz edip bina? etmediğinden mâʻadâ kolluk kurbünde vâkiʻ Şekerpâre çeşmesine cârî suyunu ayrıca mütevâliyen katʻ etmekle ahâlîlerinin iştikālarına binâʼen mezbûr es-Seyyid Hasan taraf-ı şerʻden li-ecli’l-ihzâr kolluk neferâtı ile daʻvet-i şerʻ olundukda mezbûr es-Seyyid Hasan şutûm-ı galîza ile şetm eylediğinden mâʻadâ derûn-ı mahkemede bilâ-tehâşî hüddâm-ı mahkemeye dahi şetm etmekle mezbûr es-Seyyid Hasan’a tedîb iktizâ eylediği huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis aşer Recebi’l-ferd sene 1160