Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 207 Hüküm no: 257 Orijinal metin no: [28a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayıkcı Hasan Beşe’nin kendisini darbeden Mahmud Beşe ile anlaştığı Maʻrûz; Kayıkcı tâifesinden Hasan Beşe nâm kimesne meclis-i şerʻde yine kayıkcı tâifesinden işbu bâʻisü’l-iʻlâm Mahmud Beşe nâm kimesne muvâcehesinde mezbûr Mahmud Beşe târîh-i iʻlâmdan dört gün mukaddem Yemiş iskelesinde kayık içinde baʻde’z-zuhr beni bi-gayr-ı hakkın depme ile darb ve tarabazan taʻbîr olunur haşebin üzerine düşüp arkam ağrıdı deyü tasaddî eylediğim daʻvâmdan tavassut-ı muslihîn ile an-inkâr iki guruş bedel-i makbûza sulh olup husûs-ı mezbûra müte‘alika âmme-i daʻvâdan mezbûr Mahmud Beşe’nin zimmetini ibrâ ve iskāt eylediğimde ol dahi bedel-i sulh olmak üzere bana medfûʻu olan iki guruş mütâlebesinden benim zimmetimi ibrâ ve iskāt eyledi deyü ikrâr ol dahi tasdîk eylediği medîne-i [mezbûre] mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sâdis aşer min-Recebi’l-ferd sene sittin ve miʼe ve elf.