Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 207 Hüküm no: 258 Orijinal metin no: [28a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kayseri ahalisinden olup misafir olarak geldiği İstanbul’da ölen Ayan v. İsak’ın alacaklarının vârislerine ödenmesi Maʻrûz; Vilâyet-i Anadolu’da medîne-i Kayseri ahâlîsinden olup mahmiye-i İstanbul’da Karaman kurbünde Voyvodaoğlu Hân’ında misâfir etmeğin bundan akdem hâlik olan rençber tâifesinden Ayan v. İsak v. Ayan nâm zimmînin evlâd-ı sıgārına kıbel-i şerʻden mansûb vasîsi işbu bâʻisü’l-iʻlâm Kostantin v. İsak nâm zimmî medîne-i Eyüb mahkemesinde meclis-i şerʻ-i hatîrde hâlik-i mezbûrun mezbûr Ayan zimmetinde cihet-i deyn-i şerʻîden olan sekiz buçuk guruş hakkını kable’l-ahz ve’l-istîfâ hâlik olup meblâğ-ı mezbûr sıgār-ı mezbûrûna mevrûs olmağın bi’l-vesâye taleb ederim deyü daʻvâ ol dahi ber-vech-i muharrer ikrâr ve iʻtirâf etmeğin mûcebiyle meblâğ-ı mezbûr sekiz buçuk guruşun edâsıyla mezbûr diğer Ayan zimmî ilzâm olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’s-sâdis aşer [min-Recebi’l-ferd] sene sittin ve miʼe ve elf.