Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 207 Hüküm no: 259 Orijinal metin no: [28b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed b. Murad’ın Süleyman b. Abdullah’a olan borcunu ödemesi Maʻrûz; Medîne-i Eyüb’de Davud Ağa Mahallesiʼnde sâkin bâʻisü’l-iʻlâm Süleyman b. Abdullah meclis-i şerʻa ihzâr etdirdiği Mehmed b. Murad nâm kimesne muvâcehesinde mezbûr Mehmed zimmetinde asdar ve boğasi semenlerinden baʻde külli hesap on üç guruş hakkım vardır taleb ederim deyü daʻvâ etdikde ol dahi karındaşım Halil nâm kimesne altı guruşunu verip ancak yedi guruş deynim kalmışdır deyü altı guruş içün defʻini isbât edemediğinden mâʻadâ yemîne dahi tâlib olmamağla mûcebiyle meblâğ-ı mezbûr on üç guruşun edâsıyla mezbûr Mehmed baʻde’l-ilzâm medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ aşer min-Recebi’l-ferd sene sittin ve miʼe ve elf.