Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 208 Hüküm no: 260 Orijinal metin no: [28b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap Hasan Beşe’nin el-Hâc Halil’deki alacağının tahsili, el-Hâc Halil’in Hasan Beşe’nin kendisine küfrettiği yolundaki iddiâsını ispatlayamadığı Maʻrûz; Medîne-i Eyüb’de kasab tâifesinden bâʻisü’l-iʻlâm Hasan Beşe b. Mehmed meclis-i şerʻa ihzâr etdirdiği el-Hâc Halil [b.] Abdullah nâm kimesne mahzarında mezbûr el-Hâc Halil zimmetinde üç reʼs koyun bahâsından on guruş hakkım vardır taleb ederim deyü daʻvâ etdikde ol dahi ber-vech-i muharrer ol mikdâr deyni olduğunu ikrâr ve iʻtirâf etmekle mûcebiyle meblâğ-ı mezbûrun edâsıyla ilzâm olundukdan sonra mezbûr el-Hâc Halil mezbûr Hasan Beşe bana mûcib-i taʻzîr kelimât ile şetm eyledi deyü muvâcehesinde eylediği daʻvâsını isbât edememekle talebiyle mezbûr Hasan Beşe baʻde’t-tahlîfü’ş-şerʻî bilâ-beyyine bî-vech muʻârazadan menʻ olunduğu medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâmis aşer min-Recebi’l-ferd sene sittin ve miʼe ve elf.