Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 209 Hüküm no: 262 Orijinal metin no: [28b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Toprak altında kalarak vefât eden Veli’nin defnine izin verildiği Maʻrûz; Sâdır olan fermân-ı âlîlerine imtisâlen savb-ı şerʻden mürsel Mehmed Efendi dâʻîleri hadâyık-ı Sultaniyeden Davudpaşa bahçesi havâlîsinden Salih Beşe’nin taşlığında olan amelelerinden olup arzuhâlde zikr olunduğu üzere taş yıkılıp toprak bastırıp ol ecilden vefât eden Veli nâm meyyitin cenâzesi üzerine varıp cemâʻat-i Müslimîn ile âʻzâsına nazar etdikde mezbûr Veli’nin uzvunda eser-i cerh olmayıp toprak bastırmağla kara bere olup ve müteessiren fevt olduğunu mevlânâ-yı mezbûr mahallinde baʻde’l-keşf ve’t-tahrîr defne izin-birle vâkiʻ hâli baʻde’l-inhâ huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ aşer min-Recebi’l-ferd sene sittin ve miʼe ve elf.