Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 210 Hüküm no: 265 Orijinal metin no: [28b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Rukiye bt. İsmail’in anlaşarak boşandığı kocası es-Seyyid Mehmed b. es-Seyyid el-Hâc Yusuf’dan mehir ve nafaka talebinde bulunmasının kabul edilmediği Maʻrûz; Mahmiye-i İstanbul hısnı ebvâbından Topkapısı hâricinde İlyas Efendi Mahallesiʼnde sâkine Rukiye bt. İsmail nâm hatun meclis-i şerʻde zevc-i sâbıkı bâʻisü’l-iʻlâm es-Seyyid Mehmed b. es-Seyyid el-Hâc Yusuf muvâcehesinde bundan akdem beni bâyinen tatlîk eden işbu mezbûr es-Seyyid Mehmed zimmetinde mütekarrir on beş guruş mehr-i müeccelim ile henüz iddetim munkaziye olmamağla nafaka-i iddet ve meʼûnet-i süknâmı taleb ederim deyü daʻvâ etdikde ol dahi merkūme Rukiye’yi tatlîk eylediği hînde mehri mütâlebesinden benim zimmetimi ibrâ-i âmm ile ibrâ eylemiş idi deyü defʻ etmekle merkūme Rukiye dahi defʻ-i mezkûru ikrâr lâkin kerîha olmuşdur deyü tasaddî eylediği daʻvâsını isbâta kādire olmamağla talebiyle merkūm es-Seyyid Mehmed ba‘de’t-tahlîfü’ş-şer‘î bilâ-beyyine bî-vech muʻârazadan menʻ olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’l-hâdî ve’l-ışrîn min-Recebi’l-ferd sene sittin ve miʼe ve elf.