Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 211 Hüküm no: 266 Orijinal metin no: [29a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostanî Yusuf b. Üveys’in Anderya v. Hristo’yu bıçakla yaraladığının tespit olunduğu Maʻrûz; İşbu hâmilü’l-iʻlâm Anderya v. Hristo nâm zimmî Vâlidesarayı bostânîlerinden Başeski Ahmed Bey mübâşeretiyle Eyüb mahkemesine ihzâr olunan Bahâriyeli Bostanî Yusuf b. Üveys ile terâfuʻlarında mezbûr Bostanî Yusuf târîh-i iʻlâmdan bir gün mukaddem bıçak ile muʻâyene olunan sağ elimin baş parmağımın iç tarafından bi-gayr-ı hakkın darb ve cerh etmekle mûcib-i şerʻîsini taleb ederim deyü baʻde’d-daʻvâ ve’l-inkâr müddeʻi-i mesfûr Anderya müddeʻâsını isbâtdan izhâr-ı acz-birle istihlâf etmeğin mezbûr Bostanî Yusuf’a yemîn teklîf olundukda yemînden nükûl ile şerʻan sâbit olmağla mûcebince cerh-i mezbûrun mûcib-i şerʻîsi berʼ-i tâm husûlüne tevkīf-birle tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 17 Rebîʻülevvel sene 1160