Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 213 Hüküm no: 268 Orijinal metin no: [29a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Haffâf es-Seyyid Mehmed’in Ustaoğlu Ali’den alacaklı olduğu yolundaki iddiâsını ispatlayamadığı Maʻrûz; Sâhib-i arzuhâl Haffâf es-Seyyid Mehmed derûn-ı arzuhâlde mastûrü’l-ism Ustaoğlu Ali nâm kimesne ile Eyüb mahkemesinde meclis-i şerʻde terâfuʻlarında mezbûr Ali zimmetinde haffâf emtiʻası bahâsından baʻde’l-hesâb on beş guruş üç para ve gāib ani’l-meclis Arab Mehmed nâm kimesneye emriyle verdiğim emtiʻa-i mezbûr bahâsından dahi sekiz guruş on yedi para ki cemʻan yirmi üç buçuk guruş hakkım olup taleb ederim deyü eylediği daʻvâsını mezbûr Ali baʻde’l-inkâr müddeʻî-i mezbûr es-Seyyid Mehmed ber-vech-i muharrer müddeʻâsını isbâtdan izhâr-ı acz-birle istihlâf etmeğin mezbûr Ali baʻde’l-half mûcebince müddeʻî-i mezbûr es-Seyyid Mehmed bilâ-beyyine muʻârazadan menʻ ve tescîl olunduğu mübâşiri iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 20 şehr-i min-Rebîʻülevvel sene 1160