Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 213 Hüküm no: 269 Orijinal metin no: [29b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Es-Seyyid İbrahim’in Derviş es-Seyyid İbrahim’e olan borcunu ödemesi Maʻrûz; Bâʻisü’l-iʻlâm Derviş es-Seyyid İbrahim nâm kimesne medîne-i Eyüb mahkemesinde meclis-i şerʻ-i hatîrde diğer es-Seyyid İbrahim muvâcehesinde mezbûr es-Seyyid İbrahim zimmetinde cihet-i karz-ı şerʻîden bâ-temessük on beş guruş hakkım olmağla hatta cihet-i merkūmeden bana ol mikdâr deyni olduğunu ikrâr dahi etmekle taleb ederim deyü baʻde’d-daʻvâ ve’l-inkâr müddeʻî-i mezbûr ber-vech-i muharrer müddeʻâsını es-Seyyid Mehmed b. Halil ve Mustafa b. Ali ve İbrahim b. Abdullah nâm şâhidûn-ı muʻaddilûn şehâdetleriyle vech-i şerʻî üzere mezbûr es-Seyyid İbrahim muvâcehesinde isbât etmeğin mûcebiyle meblâğ-ı mezbûr on beş guruşun edâsıyla mezbûr es-Seyyid İbrahim ilzâm olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 21 Rebîʻülevvel sene 1160