Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 213 Hüküm no: 270 Orijinal metin no: [29b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mumcu Hüseyin Usta’nın Mehmed’e olan borcunu ödemesi Maʻrûz; İşbu bâʻisü’l-iʻlâm Mehmed nâm kimesne mumcu tâifesinden ihzâr-ı şerʻ olunan Hüseyin Usta ile terâfuʻ eylediklerinde mezbûr Hüseyin Usta zimmetinde don yağı bahâsından doksan bir guruş on beş para hakkımın elli yedi guruş yedi parasını yedinden baʻde’l-kabz bâkī otuz dört guruş sekiz para hakkım olduğunu şuhûd muvâcehesinde ikrâr dahi edip hâlâ taleb eyledikde edâda taʻallül eder deyü baʻde’d-daʻvâ ol dahi meblâğ-ı bâkī-i mezbûru baʻde’l-inkâr müddeʻî-i mezbûr Mehmed ber-vech-i muharrer müddeʻâsını şuhûd-ı udûlden Ahmed Ağa b. Hamdi ve Mehmed b. Abdullah nâm kimesneler şehâdetleriyle baʻde’l-isbât mûcebince meblâğ-ı bâkī-i mezbûrun edâsıyla mezbûr Hüseyin Usta ilzâm olunup Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Fî 6 Rebîʻülevvel sene 1160