Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 323 Hüküm no: 507 Orijinal metin no: [52a-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Beşe’nin eski damadı Gürcü Süleyman’ın cezalandırılması Maʻrûz-ı dâʻî-i Devlet-i aliyyeleridir ki; Sâhibetü arzuhâlin zevci olup Medîne-i Eyüb el-Ensârî’de Evlice Baba Mahallesi sâkinlerinden Süleyman Beşe nâm kimesne derûn-ı arzuhâlde mastûr mukaddemâ dâmadı olan Gürcü Süleyman ile terâfuʻlarında mezbûr Gürcü Süleyman târîh-i iʻlâmdan üç gün mukaddem İdris köşkü tarîkinde akşama karib piştov taʻbîr olunur âlet ile üzerime hücûm ve şetm eyledi deyü eylediği daʻvâsını Çavuş Kasım Mahallesi sükkânından <> Ali Beşe b. Mustafa ve Evlice Baba Mahallesi sükkânından Mehmed b. Ahmed nâm kimesneler şehâdetleriyle münkir-i merkūm Gürcü Süleyman muvâcehesinde vech-i şerʻî üzere isbât etmeğin mûcebiyle mezbûr Gürcü Süleyman’a taʻzîr lâzım geldiği huzûr-ı âlîlerine iʻlâm olundu. Fi’l-yevmi’r-râbiʻ min-şehri Cemâziyelevvel sene ihdâ ve sittin ve miʼe ve elf.