Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 324 Hüküm no: 509 Orijinal metin no: [52a-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çukadâr Uzun Ali’nin Seyyid Mehmed’e olan borcunu ödemesi Maʻrûz-ı dâʻî-i Devlet-i aliyyeleridir ki; Sâhib-i arzuhâl Seyyid Mehmed nâm kimesne derûn-ı arzuhâlde mastûrü’l-ism olan Çukadâr Uzun Ali nâm kimesne ile terâfuʻlarında mezbûr Çukadâr Ali yedimden iştirâ eylediği maʻlûmü’l-kıyye kahve bahâsından baʻde’l-hesâb bâ-temessük doksan iki guruş hakkımdan on beş guruşunu bana edâ edip zimmetinde bâkī kalan yetmiş yedi guruş hakkımı vermemekle taleb ederim deyü daʻvâ eyledikde mezbûr Çukadâr Uzun Ali dahi cihet-i mezbûrdan meblâğ-ı bâkī-i mezbûr yetmiş yedi guruşu hâlâ zimmetimde edâsı lâzım deynimdir deyü ikrâr ve iʻtirâf etmekle mûcebince meblâğ-ı bâkī-i mezbûru müddeʻî-i mezbûr es-Seyyid Mehmed’e edâ ve teslîme mezbûr Çukadâr Uzun Ali’ye tenbîh-i şerʻî-birle tescîl olunup mübâşiri iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâmin min-Cemâziyelevvel li-sene ihdâ ve sittin ve miʼe ve elf.