Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 325 Hüküm no: 510 Orijinal metin no: [52a-9] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin kendi rızâsıyla kiraladığı evi boşaltmaya söz verdiği Maʻrûz-ı dâʻî-i Devlet-i aliyyeleridir ki; Medîne-i Ebâ Eyüb el-Ensârî’de Düğmecibaşı Mahallesi’nde misâfiren sâkin Mehmed Beşe b. Mustafa nâm kimesne meclis-i şerʻde işbu bâʻisü’l-iʻlâm Kavukcu Molla Osman b. Mehmed nâm kimesne muvâcehesinde mezbûr Molla Osman’ın İstanbul’da Avcıbey Mahallesiʼnde vâkiʻ menzilinin müşâhereten sâkin müsteciri olup menzilinin tahliye ve teslîm olunmasını iddiʻâ etmekle târîh-i iʻlâmdan on gün sonra hüsn-i rızâsıyla menzili tahliye ve tesellüme taʻahhüd eyledim dedikde mezbûr Kavukcu Molla Osman dahi imhâl ve râzı olup medîne-i mezbûre mahkemesinde tescîl etdirdikleri iltimâsları ile huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ min-Cemâziyelevvel li-sene ihdâ ve sittin ve miʼe ve elf.