Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 328 Hüküm no: 517 Orijinal metin no: [52b-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Borcunu ödemediği için hapsedilen Hammâmî el-Hâc Ali b. Mustafa’nın ödemeyi yapacağına kefil olunduğu Maʻrûz-ı dâʻî-i Devlet-i aliyyeleridir ki; İʻlâm-ı şerʻî mûcebince olan deyn-i müsbeti içün altı aydan beri mahbûs olan Hammâmî-i mezkûr el-Hâc Ali b. Mustafa nâm kimesne dîvân-ı âlî çavuşlarından Mustafa Çavuş kulları ile medîne-i Eyüb mahkemesine gelip mezbûr el-Hâc Ali ber-mûceb-i iʻlâm mahkûmün-bih muʻterif olduğu deynini târîh-i iʻlâmdan on beş gün tamamında edâya taʻahhüdünden sonra mezbûr el-Hâc Ali’nin nefsine gaybet ve firâr eder ise deyn-i müsbet-i mezkûrun edâsına medîne-i mezbûrede Takyecibaşı Mahallesi sükkânından Çömlekci ustalarından karındaşı Mehmed Beşe ve yine mahalle-i mezbûreden berber çırağı es-Seyyid Salih Çelebi b. Ömer ve yine mahalle-i mezbûreden Berber es-Seyyid Halil Çelebi b. el-Hâc Mustafa ve yine mahalle-i mezbûreden Gazzaz Mehmed Çelebi b. Hüseyin ve yine mahalle-i mezbûreden Attâr Mehmed Çelebi b. Ali ve medîne-i mezbûrede Defterdâr Kara Süleyman Mahallesi’nden Çömlekciler sûkunda dükkânı olan Kalaycı Mustafa Beşe nâm kimesnelerden her birileri meclis-i şerʻde kefâlet-i sahîha ile kefîl ve zâmin olduklarını baʻde’l-ikrâr ve’t-tescîl huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’l-hâdî ve’l-ışrîn min-Cumâdelûlâ li-sene ihdâ ve sittin ve miʼe ve elf.