Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 328 Hüküm no: 518 Orijinal metin no: [52b-8] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Maruk v. Bedros’un Fâtıma bt. Abbas’a olan borcunu ödemesi Maʻrûz-ı dâʻî-i Devlet-i aliyyeleridir ki; Mahmiye-i İstanbul’da Odalar başında sâkine Fâtıma bt. Abbas b. Abdullah nâm hatunun zevci ve tarafından zikr-i âtî husû[s]a vekîli olduğu Mustafa Çelebi b. İsa ve Musa Çelebi b. Mustafa nâm kimesneler şehâdetleriyle vekâleti sâbit olan bâʻisü’l-iʻlâm Mehmed Odabaşı b. İbrahim medîne-i Eyüb mahkemesine ihzâr-ı şerʻ etdirdiği Topkapısı hâricinde Takyeci Mahallesi’nde mütemekkin Maruk v. Bedros nâm zimmî muvâcehesinde mezbûr Maruk zimmetinde bin yüz elli dört senesi târîhiyle müverrah bir kıtʻa temessük mûcebince yüz on beş guruşdan bâkī doksan bir guruş hakkı olmağla bi’l-vekâle taleb ederim deyü daʻvâ, merkūm Maruk ber-vech-i muharrer ikrâr meblâğ-ı bâkī doksan bir guruşun edâsıyla merkūm Maruk zimmî baʻde’t-tescîl bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fi’l-yevmi’l-ışrîn min-Cumâdelûlâ li-sene ihdâ ve sittin ve miʼe ve elf.