Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 333 Hüküm no: 528 Orijinal metin no: [53b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Süleyman Beşe’nin kendisinin darbedildiği iddiâsıyla açtığı davadan vazgeçtiği Maʻrûz-ı dâʻî-i Devlet-i aliyyeleridir ki; Medîne-i Eyüb’de Zeyneb Hatun Mahallesi sâkinlerinden Süleyman Beşe b. Abdullah nâm kimesne Kasım Çavuş Mahallesiʼnde vâkiʻ bakkal tâifesinden olup işbu hâmilü’l-iʻlâm Panayot v. Yorgo nâm zimmî muvâcehesinde bundan akdem mesfûr Panayot zimmî gāib ani’l-meclis yasakcı tâifesine beni gamz ile ile bi-gayr-ı hakkın darbetdirmiş idi deyü eylediğim daʻvâmdan ferağ ve rücûʻ edip husûs-ı mezkûra ve gayra müteʻallik mesfûr Panayot ile daʻvâ ve husûmetim yokdur dedikde ol dahi tasdîk ve mübâşirleri Vâlidesarayı Ser-bölüğü Ahmed iltimâsıyla tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fî gurre-i Cemâziyelâhir sene ihdâ ve sittin ve miʼe ve elf.