Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 334 Hüküm no: 530 Orijinal metin no: [53b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Halil b. Süleyman’ın darbedildiği iddiâsıyla açtığı davadan vazgeçtiği Maʻrûz-ı dâʻî-i Devlet-i aliyyeleridir ki; Medîne-i Eyüb’de Takyeci Mahallesiʼnde sâkin Halil b. Süleyman nâm şâbb-ı emred meclis-i şerʻde ashâbü’l-iʻlâm es-Seyyid Mustafa b. es-Seyyid Mustafa b. es-Seyyid Derviş ve Mustafa ve Mehmed b. Mustafa muvâcehelerinde mezbûrlar târîh-i iʻlâmdan bir gün mukaddem Küçükköy nâm karyeye gidecek yol üstünde Kumluk nâm mahalde beni ahz ve bi-gayr-ı hakkın darb ve sû-i kasd eylediler deyü mezbûrlardan eylediği daʻvâdan fâriğa ve rücûʻ [ve] zimmetlerin meccânen ibrâ ve katʻ-ı nizâʻ eylediği medîne-i mezbûre mahkemesinde baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emrindir. Fi’l-yevmi’t-tâsiʻ ve’l-ışrîn min-Cemâziyelevvel sene ihdâ ve sittin ve miʼe ve elf.