Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 334 Hüküm no: 531 Orijinal metin no: [53b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Bostan kuyusuna düşen Yahûdi İlya’nın cesedinin incelenerek toprağa gömülmesine izin verildiği Maʻrûz-ı dâʻî-i Devlet-i aliyyeleridir ki; Sâdır olan fermân-ı âlîleri üzere savb-ı şerʻ-i münîrden irsâl olunan Mevlânâ Mehmed Efendi derûn-ı arzuhâlde mezbûr bostan kuyusuna düşüp garîkan hâlik olan İlya nâm Yahûdi’nin lâşesi üzerine varıp cemâʻat-i Müslimîn ile veresesi hazır oldukları hâlde lâşesine nazar olundukda eser-i cerha müteʻallika nesne olmayıp garîkan hâlik ve mahâll-i mezbûrede yatar olduğu baʻde’l-muʻâyene ve’l-keşf lâşesini çukura ilkāya izin verdiğini mevlânâ-yı mezbûr mahallinde vâkiʻ hâli tahrîr, maʻan mürsel ümenâ-i şerʻle gelip alâ-vukūʻıhî inhâ ve takrîr etdikleri Eyüb mahkemesinde tescîl olunup taʻyîn olunan Mehmed Haseki kulları iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ ve’l-ışrîn min-Cemâziyelevvel li-sene ihdâ ve sittin ve miʼe ve elf.