Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 337 Hüküm no: 538 Orijinal metin no: [54a-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kasap el-Hâc Ahmed’in kuzu satışından olan borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm İbrahim b. el-Hâc İbrahim nâm kimesne ihzâr etdirdiği Kassab el-Hâc Ahmed ile Eyüb mahkemesinde murâfaʻa olduklarında beher reʼsi ellişer paraya olmak üzere benden iştirâ ve kabz eylediği yüz otuz reʼs kuzu bahâsı cemʻan altı bin beş yüz para mezbûr el-Hâc Ahmed zimmetinde hakkım vardır taleb ederim deyü baʻde’d-daʻvâ mezbûr el-Hâc Ahmed dahi cihet-i mezkûreden meblâğ-ı mecmûʻ-ı mezkûr altı bin beş yüz para zimmetinde müddeʻî-i mezbûra edâsı lâzım deyni olduğunu ikrâr ve iʻtirâf etmeğin mûcebiyle meblâğ-ı mezbûru müddeʻî-i mezbûr İbrahim’e edâ ve teslîme mezbûr el-Hâc Ahmed’e tenbîh-i şerʻî olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ min-Cemâziyelâhir sene ihdâ ve sittin ve miʼe ve elf.