Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 337 Hüküm no: 539 Orijinal metin no: [54a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. İbrahim b. el-Hâc İbrahim’in borçlarını ödemesi Maʻrûz-ı dâʻî-i Devlet-i aliyyeleridir ki; İşbu hâmilü’l-iʻlâm Tanaş v. Nikola ve şerîki Dimor v. Yani nâm zimmîler meclis-i şerʻde ihzâr-ı şerʻ olunan İbrahim b. el-Hâc İbrahim nâm kimesne ile terâfuʻlarında bundan mukaddem beher reʼsi kırk dokuz para olmak üzere yetmiş üç reʼs kuzu ve her biri doksan beşer paraya üç reʼs ganemi yedimizden iştirâ ve kabz etmekle ol mikdâr kuzu ve koyun bahâsı cemʻan üç bin sekiz yüz altmış iki para mezbûr İbrahim zimmetinde hakkımız olup taleb eyledikde edâda taʻallül eder hatta târîh-i iʻlâm günü medîne-i mezbûrede vâkiʻ el-Hâc Mustafa selhhânesinde huzûr-ı Müslimînde kirâren ve mirâren ikrâr etmiş idi deyü eyledikleri daʻvâlarını şuhûd-ı udûlden el-Hâc Ahmed b. İsmail ve Osman b. İsmail nâm kimesneler şehâdetleriyle münkir-i mezbûr İbrahim muvâcehesinde vech-i şerʻî üzere baʻde’l-isbât mûcebiyle meblâğ-ı mezbûr üç bin sekiz yüz altmış iki parayı müddeʻiyân-ı merkūmân Tanaş ve Dimitri zimmîlere edâ ve teslîme mezbûr İbrahim’e tenbîh-i şerʻî-birle Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ aşer min-Cemâziyelâhir li-sene ihdâ ve sittin ve miʼe ve elf.