Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 338 Hüküm no: 541 Orijinal metin no: [54a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kalaycı Halil b. Mustafa’nın borcunu ödemesi Yâ Fettâh, Yâ Rezzâk Maʻrûz-ı dâʻî-i Devlet-i aliyyeleridir ki; Hâmilü’l-iʻlâm Ekmekci Ustoyan v. Biyo nâm zimmî meclis-i şerʻa ihzâr etdirdiği Kalaycı Halil b. Mustafa nâm kimesne ile terâfuʻlarında merkūm Mustafa zimmetinde nân-ı azîz semeninden baʻde külli’l-hesâb beş buçuk guruş hakkım olmağla meblâğ-ı mezbûru taleb ederim deyü daʻvâ eyledikde ol dahi ber-vech-i muharrer ikrâr ve iʻtirâf etmeğin mûcebiyle meblâğ-ı [mezbûr] beş buçuk guruşu müddeʻî-i mesfûr Ustoyan zimmîye edâ ve teslîme merkūm Mustafa’ya tenbîh olunduğu Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’t-tâsiʻ aşer min-Cemâziyelâhir li-sene ihdâ ve sittin ve miʼe ve elf.