Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 344 Hüküm no: 554 Orijinal metin no: [55a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Tariko v. Dimo’nun borcunu ödemesi Maʻrûz; Bâʻisü’l-iʻlâm Kassab el-Hâc Ahmed b. Hüseyin meclis-i şerʻde Tariko v. Dimo zimmî muvâcehesinde merkūm Tariko zimmetinde süt bahâsından baʻde’l-hesâb yirmi bir guruş ile seksen akçe hakkım olmağla taleb ederim deyü eylediği müddeʻâsını Osman b. İsmail ve Tanaş v. Ustoyo şehâdetleriyle münkir-i merkūm Tariko muvâcehesinde alâ-vech-i şerʻî isbât etmekle mûcebiyle meblâğ-ı mezbûrun edâsıyla merkūm Tariko zimmî ilzâm olunduğu medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân men-lehü’l-emr hazretlerinindir. Fî 26 Cemâziyelâhir sene 1161