Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 344 Hüküm no: 555 Orijinal metin no: [55a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Taşcı Serkiz’in altınlarının gasbedildiği yolundaki davasından vazgeçtiği Maʻrûz; Taşcı tâifesinden Serkiz v. Babuk meclis-i şerʻde bâʻisü’l-iʻlâm İsmail Çelebi b. el-Hâc Ahmed ve Mustafa Beşe b. Abdullah muvâcehelerinde bir gün mukaddem baʻde’l-mağrib Eğrikapı hâricinde vâkiʻ Zaim Mehmed Ağa menzili karşısında dururken mezbûrân üzerime hücûm ve mezbûr İsmail Çelebi bi-gayr-ı hakkın iki ellerimi tutup ve boğazımı sıkıp ve mezbûr Mustafa Beşe dahi üzerimde mevcûd on yedi zincirli altunumu ahz eyledi deyü tasaddî eylediğim daʻvâmdan ferağ ve rücûʻ ve mezbûrların zimmetlerini meccânen ibrâ eyledim dedikde onlar dahi ber-vech-i muharrer tasdîk eyledikleri medîne-i Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân men-lehü’l-emrindir. Fî Cemâziyelâhir sene 1161