Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 355 Hüküm no: 576 Orijinal metin no: [57a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Zağferanborlulu Kanbur Mustafa’nın bulunduğu mahalleden ihracı Maʻrûz; Medîne-i Eyüb’de Düğmeciler Mahallesi ahâlîsi haber ve iltimâsıyla târîh-i iʻlâm gecesi akşamdan sonra maʻrifet-i şerʻle mahalle-i mezbûrede Vâlide[sarayı] ustası müteveffâ el-Hâc Mehmed’in menziline vardıkda müteveffâ-i mezbûra hizmet edegelen Zağferanborlulu doksan dört cemâʻati neferâtından ve derûn-ı menzilde bahçede köşk içinde bulunmağla Kanbur Mustafa Beşe ahz olunup yine mahalle-i mezbûre sâkinlerinden misâfereten menzil-i mezbûrun dâhiliyesinde olan Fâtıma ve kızı Âişe ve terzi kızı Âişe ve Hanım nâm hatunlar ehl-i ırz makūlesi ve bir yerde bulunmamalarıyla muʼâheze olunmayıp ancak mezbûr Kanbur Mustafa Beşe dahi meclis-i şerʻa hâzırân olan mahalle-i mezbûre imamı Mustafa Efendi ve cemâʻatinden müseccelü’l-esâmî yedi nefer kimesneler iştikâ ve mahalle-i mezbûreye gelmemek üzere ihrâcını iltimâs eyledikleri huzûr-ı âlîlerine iʻlâm olundu. Fermân hazret-i veliyyü’l-emrindir. Fî 15 min-Receb sene 1161