Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 363 Hüküm no: 592 Orijinal metin no: [58b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe b. Kemaleddin’in borçlarını taksitle ödemesi Maʻrûz; Medîne-i Ebâ Eyüb el-Ensârî’de sâkin işbu bâʻisü’l-iʻlâm Ali Beşe b. Kemaleddin’in dâyinlerinden Pirinççi el-Hâc Ebûbekir b. Ahmed ve Mustafa Çelebi b. Ahmed nâm kimesneler cihet-i deynden elli guruş ale’s-seviyye ve kezâlik es-Seyyid Mustafa b. Mehmed nâm kimesneye cihet-i deynden elli [guruş] edâsı lâzım deyni olduğu mezbûr Ali ikrârıyla baʻde’s-sübût dâyinleri mezbûrûn el-Hâc Ebûbekir ve Mustafa ve es-Seyyid Mustafa medyûnları mezbûr Ali muvâcehesinde tüccardan olan el-Hâc Mehmed kıbelinden vekîli es-Seyyid Hasan Beşe mezbûr Ali’yi medîne-i mezbûre kolluğunda târîh-i iʻlâm günü bilâ-murâfaʻa habs ve tazyîk etdirmekle hâlâ mezbûr Ali’nin defʻaten edâ-yı deyne adem-i kudreti olduğu mahallesi ahâlîsinden mevsûkun-bihim bî-garaz kimesnelerin haberleriyle indlerimizde sâbit ve ahvâline vukūf-ı tammımız olup teʼcil ve taksîte tâlib olmağla her birimiz dahi terahhümen her bir guruşa beher şehr tamamında birer para vermekle edâ-yı deyn eylemek üzere târîh-i iʻlâmdan kırk ay tamamına değin teʼcil ve taksit, ol dahi baʻde’l-kabûl ber-vech-i muharrer edâya mezbûr Ali taʻahhüd onlar dahi râzı oldukları medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Fî 22 min-Recebi’l-ferd sene 1161