Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 372 Hüküm no: 611 Orijinal metin no: [60b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kara Mehmed ve karısı Meryem’in bulundukları mahalleden çıkarılmaları Maʻrûz; Medîne-i Eyüb’de Evlice Baba Mahallesi ahâlîsinden ashâbü’l-iʻlâm İmam Ömer Efendi ve Müezzin Molla Abdülkerim Halîfe ve Osman Ağa ve Molla Ali ve Mehmed Ağa ve Mustafa Ağa ve İbrahim Çelebi ve Ahmed Ağa ve Mehter Ahmed Çelebi ve diğer Ahmed Ağa ve Molla Mehmed ve Molla Abdülbâkī ve es-Seyyid Mehmed ve Derviş ve sâir cemm-i gafîr kimesneler yine mahalle-i mezbûrede sâkin Kara Mehmed ve zevcesi Meryem nâm kimesneler kendi hâllerinde olmayıp dil-azâr olduklarından nâşî müteezzîleriz deyü iştikâ ve mahâll-i âhara hurûclarını iltimâs eylediklerinde mezbûr Kara Mehmed ve zevcesi mezbûre Meryem ile târîh-i iʻlâmdan üç güne dek âhar mahalle nakl etmek üzere taʻahhüd eyledikleri bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 26 min-Receb sene 1161