Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 372 Hüküm no: 612 Orijinal metin no: [60b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ali Beşe ile Niko zimmî arasındaki alacak verecek davasının sonuçlandığı Maʻrûz; Sâhibü’l-iʻlâm Ali Beşe nâm kimesne derûn-ı iʻlâmda mezkûrü’l-ism Niko zimmî ile baʻde’l-murâfaʻa ve’l-münâzaʻa tavassut-ı muslihûn ile iʻlâmda mastûr olup iddiʻâ eylediği öküz semenine müteʻallika daʻvâdan mesfûr Niko’nun zimmetini ibrâ ve iskāt eyledikde mesfûr Niko dahi beynlerinde maʻlum bir tek öküzü mezbûr Ali Beşe’ye red, ol dahi kabûl ve iddiʻâ eylediği yirmi guruşun on guruşunu baʻde’l-kabz mâʻadâ bâkī on guruş mütâlebesinden mezbûr Ali Beşe’nin zimmetini ibrâ ve iskāt edip birbirleriyle katʻ-ı nizâʻ eyledikleri iltimâslarıyla Eyüb mahkemesinde tescîl olunmuşdur. Bâkī fermân hazret-i veliyyü’l-emrindir. Fî 4 Şaʻbân sene 1161