Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 373 Hüküm no: 614 Orijinal metin no: [60b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yusuf b. Mustafa’nın Hüseyin Beşe’yi bıçakla yaraladığının tespit olunduğu Maʻrûz; Medîne-i Hazret-i Ebâ Eyüb el-Ensârî’de Evlice Baba Mahallesi sâkinlerinden işbu bâʻisü’l-iʻlâm Hüseyin Beşe b. Hasan nâm kimesne mahalle-i mezbûrede ihzâr-ı şerʻ olunan Yusuf b. Mustafa nâm kimesne ile terâfuʻlarında ben medîne-i mezbûre sûkunda akşam vaktinde giderken mezbûr Yusuf üzerime hücûm ve kıbel-i şerʻden keşf ve muʻâyene olunduğu üzere sağ elimin baş parmağı ve salât parmağımdan ve elimin yumurta taʻbîr olunur mahallinden ve sol kolum altından dört yerden siyah kabzalı bıçak ile amden ve bi-gayr-ı hakkın darb ve cerh etmekle baʻde’s-suâl mûcib-i şerʻîsi icrâsı murâdımdır deyü mezbûr Yusuf’dan daʻvâ etdikde ol dahi ber-vech-i muharrer ikrâr ve iʻtirâf etmeğin mûcebiyle cerh-i mezkûrun mûcib-i şerʻîsi icrâsı berʼ-i tâm husûlüne tevkīf-birle medîne-i mezbûre mahkemesinde tescîl olunup bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 3 min-Şaʻbân sene 1161