Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 374 Hüküm no: 616 Orijinal metin no: [60b-6] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mustafa Beşe’nin kavun karpuz alış-verişinde sözünde durmadığı iddiâsıyla Hüseyin Beşe aleyhine açtığı davada haksız olduğu Maʻrûz; Havâss-ı refîʻa kazâsına tâbiʻ Sâdabâd karyesinde sâkin Mustafa Beşe b. Hüseyin nâm kimesne meclis-i şerʻde kırk bir bölük oda mütevellîsi Mustafa Odabaşı karye-i mezbûrede bahçenin müsteciri bâʻisü’l-iʻlâm Hüseyin Beşe b. Hasan muvâcehesinde mezbûr Hüseyin taht-ı icâresinde olan vakıf bahçede ameliyle hâsıl eylediği iki kıtʻa kemâl bulan kavun ve karpuz bostânlarını bundan akdem bana kırk beş guruşa beyʻ etmek üzere iken bir gün mukaddem işbu hâzır bi’l-meclis Mehmed b. Abdurrahman nâm kimesneye kırk guruşa beyʻ ve teslîm eylemişdir ben dahi kırk beş guruşa iştirâ ederim deyü takrîri üzere müddeʻâsı meşrûʻ olmamağla mezbûrândan her birine suâl dahi teveccüh etmemekle mûcebiyle bî-vech muʻârazadan menʻ olunduğu baʻde’t-tescîl bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 5 min-Şaʻbân sene 1161