Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 381 Hüküm no: 631 Orijinal metin no: [62a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Çoban Marko’nun Ahmed Ağa’ya olan borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Ahmed Ağa nâm kimesne ihzâr-ı şerʻ olunan Çoban Marko nâm zimmî ile terâfuʻlarında cihet-i karz-ı şerʻîden yüz doksan guruş mesfûr Marko zimmî zimmetinde hakkım olmağla taleb ederim deyü baʻde’d-daʻvâ ve’l-istintak mesfûr Marko zimmî cihet-i mezbûreden meblâğ-ı mezbûr yüz doksan guruş zimmetimde müddeʻî-i mezbûra edâsı lâzım deynimdir deyü ikrâr ve iʻtirâf etmeğin mûcebince meblâğ-ı mezbûr yüz doksan guruşu müddeʻî-i mezbûra edâ ve teslîm eylemek üzere ikrârına binâʼen mesfûr Marko zimmîye tenbîh-i şerʻî olunduğu Eyüb mahkemesinde tescîl olunduğu bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 17 Şaʻbâni’l-muʻazzam sene 1161