Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 381 Hüküm no: 632 Orijinal metin no: [62a-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmed Ağa’nın Arnavud karyesi civârında bulunan beygirini yâve olarak kaydettiği Maʻrûz; Havâss-ı aliyye kazâsında Dağlar mukātaʻası mültezimi olan Ahmed Ağa b. Ömer bâʻisü’l-iʻlâm Alibey karyesi ustası Mehmed Ağa muvâcehesinde Havâss-ı aliyye’ye tâbiʻ Arnavud karyesi toprağında bir reʼs bargiri yâve olduğu hâlde mezbûr Mehmed Ağa sütcü zimmî yediyle ahz edip ve mahâll-i mezbûr beytülmâlı ve yâve ahzına meʼmûr olduğuma binâʼen zikr olunan bargiri mezbûr Usta Mehmed Ağa yedinden ahz u kabz eyledim dedikde ol dahi tasdîk eylediği baʻde’t-tescîl bi’l-iltimâs huzûr-ı âlîlerine iʻlâm olundu. Fermân hazret-i veliyyü’l-emrindir. Fî 20 min-Şaʻbân sene 1161