Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 382 Hüküm no: 634 Orijinal metin no: [62a-7] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kürek cezâsına çarptırılan Şahin’nin affedilip kefalete bağlanması Maʻrûz; Medîne-i Eyüb’de vâkiʻ Nişancı kurbünde bâ-fermân-ı âlî küreğe vazʻ olunan bâlâ-yı arzuhâlde mastûrü’l-ism Şahin nâm zimmînin fî-mâ baʻd nân-ı azîzde noksan zuhûr eylememek üzere taʻahhüdüne binâʼen merkūmun nefsine ve hîn-i mütâlebede huzûr-ı hükkâm-ı kirâma ihzârına habbâz ustalarından Çömlekciler fırını ustası Sohomon ve Çarşı fırını ustası Haram ve <> Gazar nâm zimmîler kefîl oldukları tescîl olunup afv ve ıtlâkı bâbında istidʻâ-yı merhamet eyledikleri imtisâlen li’l-emri’l-âlî huzûr-ı âlîlerine iʻlâm olundu. Fermân men-lehü’l-emrindir. Fî 19 Şaʻbân sene 1161