Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 390 Hüküm no: 650 Orijinal metin no: [63b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Şahin v. Yorgi’nin Sarraf Madros v. Penos’a kiraladığı beygirini teslîm aldığı Maʻrûz; Medîne-i Eyüb’de yağcı tâifesinden Şahin v. Yorgi nâm zimmî işbu hâmilü’l-iʻlâm Sarraf Madros v. Penos nâm zimmî muvâcehesinde işbu müşâhed mülküm olan bir reʼs bargirimi yarım saʻat mesâfe Küçükköy’e değin ber-vech-i peşin yevmî yirmi para ücret ile istîcâr ve kabz ba‘dehû bargire binip dört sâʻat mesâfe Kemerler cânibine <> gitmekden nâşî sancılanıp helâk olmak muhtemeldir deyü baʻde’l-münâzaʻa iki gün tehîr ve sancısı münkatıʻ ve sağ ve sâlim olduğu ehl-i hibrenin rüʼyet ve haberleriyle zâhir ve benim dahi ilmim lâhık olmağla sâlifü’l-beyân bargiri meclis-i şerʻde mesfûr Sarraf Madros yedinden kabz edip husûs-ı mezkûra müteʻallika daʻvâ ve nizâʻım yokdur deyü ikrâr ol dahi tasdîk edip tescîl etdirdikleri bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 5 min-Ramazan sene 1161