Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 391 Hüküm no: 653 Orijinal metin no: [64a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mîrî anbara nakledilmek üzere Küçükçekmece nâhiyesinden talep edilen samanın temin edileceği köyleri ve miktarını gösteren defterin tanzim olunduğu İşbu sene-i mübârekede esbân-ı devlete ve taʻyînât-ı sâireye verilecek kiyâh-ı huşkun mîrî çayırlardan biçdirilip anbar-ı âmireye nakli iktizâ eden kiyâh kesret-i bârân-ı seyl vukūʻundan nâşî nakli mümkün olmayıp mahallinde çürüyüp vâfir kiyâh-ı huşk tedârikine muhtâc olduğuna binâʼen verilen mevkūfât sûret-i defteri muktezâsınca Havâss-ı aliyye muzâfâtından Küçükçekmece nâhiyesinden on bin vakıyye kiyâh-ı huşk mübâyaʻa ve her bir vakıyyesine ücret-i nakliyesiyle birer sağ akçe verilmek üzere nâhiye-i mezbûreden ol mikdâr kiyâh-ı huşk mübâyaʻa etdirilip îcâb eden bahâ ve ücretleri mîrî anbara naklinde an-nakdin otlak emîni ağa taraflarından edâ ve teslîm olunmak üzere sâdır olan emr-i âlîşânları Haslar mahkemesince sicill-i mahfûza sebt ve kayd ve mûcebince nâhiye-i mezbûreden matlûb olan ol mikdâr kiyâh-ı huşkun beyne’l-ahâlî muʻteber olan kilelerine göre ber-muʻtâd tevzîʻ olunup cemʻine meʼmûr olan kimesne yedine verilen defterdir ki ber-vech-i âtî zikr olunur. Fi’l-yevmi’s-sânî aşer min-şehri Ramazani’l-mübârek li-sene ihdâ ve sittin ve miʼe ve elf. #&# Çekmece-i suğra 20 keyl 800 kıyye Karye-i Tarakatiye 7,5 keyl 300 kıyye Karye-i Amindos 7,5 keyl 300 kıyye Karye-i İspartikon 14,5 keyl 850 kıyye Karye-i Alibey 5,5 keyl 220 kıyye Karye-i Katahala 8,5 keyl 340 kıyye Karye-i Anbarlı 8,5 keyl 340 kıyye Karye-i Arni? 7 keyl 280 kıyye Karye-i Galatarya 12 keyl 480 kıyye Karye-i Ankurye 7,5 keyl 300 kıyye Karye-i Benefşe 6,5 keyl 260 kıyye Karye-i Firuz 3,5 keyl 140 kıyye Karye-i Makrahorya 21,5 keyl 860 kıyye Karye-i Ayastafanos 21 keyl 840 kıyye Karye-i Apakya? 10,5 keyl 420 kıyye Karye-i Letros 19,5 keyl 780 kıyye Karye-i Halkalı 14 keyl 560 kıyye Karye-i Nifos 10 keyl 400 kıyye Karye-i İncirli 3 keyl 120 kıyye Karye-i Soğanlı 4 keyl 160 kıyye Karye-i Papaz 4 keyl 160 kıyye Karye-i Bosna 4 keyl 160 kıyye Karye-i Kiteli 10 keyl 400 kıyye Karye-i Ayas Ağa 10 keyl 400 kıyye Karye-i Alibey 3 keyl 120 kıyye Karye-i Proliçe 4 keyl 160 kıyye Kiyâh-ı huşk, Cemʻan yekûn 10680 kıyye