Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 392 Hüküm no: 654 Orijinal metin no: [64b-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kocası Kıbtî Foti tarafından boşanan Kıbtiye Elina’nın kendi oymağının yaşadığı Cuhûd Burgos’a nakledilmesi Maʻrûz; Havâss-ı refîʻa kazâsında Litros nâm karyede mütemekkine Elina bt. Foti nâm Kıbtiye zevci olup Kıbtî tâifesinden Foti v. Kostantin ile Eyüb mahkemesinde terâfuʻlarında zevcim mesfûr Foti beni tatlîk etmekle zimmetinde on altı guruş mütekarrir olan mehrimi taleb ederim deyü daʻvâ etdikde mesfûr Foti istintak olundukda müddeʻiye-i mezbûre Elina zevcem olup ecnebîler ile dâimâ ihtilât ve fuhşiyâtına vukūfum olmağla ber-vech-i muharrer tatlîk eyledim deyü ikrâr ve mehr-i mezbûru münkir olmağın müddeʻiye-i mezbûre Elina mehrini isbât içün şâhide havâle olundukdan sonra mezbûre Elina’nın karye-i mezbûrede süknâsı olmamağla oymağı olan Cuhûd Burgos karyesine rızâsıyla nakle müteʻahhide olmağın mezbûre Elina Nasrâniye zâbiti olan cizyedârı mübâşeretiyle karye-i mezbûreden oymağına naklettirilmek üzere tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 10 min-Ramazan sene 1161