Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 393 Hüküm no: 655 Orijinal metin no: [64b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mehmed Beşe’nin borçlu olduğunu kabul ettiği Maʻrûz; Mehmed Beşe b. Yusuf nâm kimesne meclis-i şerʻde hâmilü’l-iʻlâm İstifani v. Yano nâm zimmî muvâcehesinde bundan akdem merkūm İstifan’ın mülkü olmak üzere on sekiz guruş kıymetli bir reʼs merkebi semeri ile maʻan bi-tarîkı’l-vedîʻa ahz ve Panayot zimmîye verip ol dahi firâr ve gaybet etmekle taʻaddîye binâʼen müstehlik olan semerli merkep kıymeti meblâğ-ı mezbûr on sekiz guruş ve lahm-ı ganem bahâsından iki buçuk guruş cemʻan yirmi buçuk guruş edâsı lâzım deynimdir deyü baʻde’l-ikrâr ve’t-tenbîh Eyüb mahkemesinde tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 12 min-Ramazan sene 1161