Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 492 Hüküm no: 771 Orijinal metin no: [87a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Mikail v. Toros’un Hatice Hanım bt. Desterecizâde el-Hâc Mehmed’e olan borcunu ödemesi Maʻrûz-ı dâʻî-i Devlet-i aliyyeleridir ki; Medîne-i Ebâ Eyüb el-Ensârî sâkinelerinden bâʻisetü’l-iʻlâm Hatice Hanım bt. Desterecizâde el-Hâc Mehmed Efendi’nin tarafından sâbitü’l-vekâle vekîli Zülfikar nâm kimesne ihzâr-ı şerʻ olunan Mikail v. Toros nâm zimmî ile terâfuʻ edip müvekkilem mezbûre Hatice Hanım’dan mutasarrıfe olduğu Galata’da vâkiʻ bir bâb menzil ve doğramacı dükkânını on bir ay mukaddem mesfûr Mikail zimmî beher şehr onar guruşa istîcâr etmekle müddet-i icâresinde yedi aylık müctemiʻ yetmiş guruş icâreyi vermeyip zimmetinde kalmağla bi’l-vekâle taleb eylerim deyü baʻde’d-daʻvâ müstecir-i mesfûr Mikail zimmî dahi ber-vech-i muharrer ikrâr lâkin bir bâb bıçkıcı dükkânı târîh-i mesfûrda ihdâs ve ifrâz olundukda zikr olunan menzil [85b-1] [85b-1’den buraya taşınmıştır ] ve dükkânın beher şehr icâresi yedi buçuk guruşdur deyip ziyâde icâre daʻvâsını baʻde’l-inkâr müddeʻî-i vekîl-i mezbûr Zülfikar Ağa ikāmet eylediği Mustafa Efendi b. el-Hâc Ali ve Hasan Halil b. Ahmed nâm şâhidîn-i muʻaddilîn şehâdetleriyle müddeʻâ-i mezbûresini müstecir-i münkir-i mesfûr Mikail muvâcehesinde vech-i şerʻî üzere isbât etmeğin mûcebiyle sulh-i mezbûr yetmiş guruşu vekîl-i mezbûra edâ ve teslîm etmek üzere mesfûr Mikail zimmîye tenbîh-i şerʻî olunup tescîl olunduğu bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 2 min-Recebi’l-ferd sene 1163