Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 495 Hüküm no: 778 Orijinal metin no: [88a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Yanaki adlı zimmînin borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Kuşcu Ahmed nâm kimesne Yanaki v. Yani nâm zimmî muvâcehesinde mesfûr Yanaki zimmetinde Petnehor karyesinde vâkiʻ mesfûra îcâr eylediğim bostan icâresinden on altı guruş hakkım kalmağla taleb ederim deyü baʻde’d-daʻvâ mesfûr dokuz guruşunu mezbûr Ahmed’e edâ ve teslîm edip zimmetimde ancak yedi guruş kalmışdır deyü eylediği defʻ-i meşrûhunu isbât edemeyip talebiyle mezbûr Ahmed ba‘de’t-tahlîfü’ş-şer‘î mûcebiyle meblâğ-ı merkūm on altı guruşun edâsına mesfûr Yanaki zimmîye tenbîh olunduğu tescîl olunup bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ aşer min-Saferi’l-hayr li-sene selâse ve sittin ve miʼe ve elf.