Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 503 Hüküm no: 793 Orijinal metin no: [90a-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Serkiz v. Andon’un Elisa’nın borcuna kefil olduğunu beyan ettiği Panço’dan alacak iddiâsında haksız olduğu Maʻrûz-ı dâʻî-i Devlet-i aliyyeleridir ki; Serkiz v. Andon nâm zimmî işbu hâmilü’l-iʻlâm Panço nâm zimmî muvâcehesinde mesfûr Panço’nun gāib ani’l-beled Elisa nâm zimmîyeye cihet-i deyn-i şerʻiyyeden on guruş vereceği olup ben kefîl-bi’l-mâl olduğuma binâʼen mesfûr Elisa’ya meblâğ-ı merkūm on guruşu edâ eylediğim ecilden mesfûr Panço’dan taleb ederim deyü eylediği daʻvâ-yı meşrûhasını isbâtdan âciz olduğu lede’ş-şerʻ nümâyân olmağla talebiyle münkir-i merkūm Panço tahlîf olunup bilâ-beyyine bî-vech-i şerʻî muʻârazadan menʻ olunduğu tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sânî aşer min-Muharremi’l-harâm li-sene selâse ve sittin ve miʼe ve elf.