Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 506 Hüküm no: 798 Orijinal metin no: [90b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Osman Beşe’nin Arpacı Murtaza’ya olan borcunu ödemesi Bismillâhirrahmânirrahîm An-Muharremi’l-haram sene 1163 Maʻrûz-ı dâʻî-i Devlet-i aliyyeleridir ki; Arpacı tâifesinden Murtaza nâm kimesne Osman Beşe nâm kimesne ile murâfaʻa, mezbûr Osman Beşe zimmetinde arpa bahâsından baʻde’l-hesâb on iki guruş hakkım olup hatta dört sene mukaddem ikrâr dahi etmiş iken edâda taʻallül eder deyü daʻvâ etdikde mezbûr Osman Beşe dahi ancak altı guruş deynim olup iki guruşunu benden aldığı lahm bahâsına mahsûben edâ etmiş idim deyü defʻini beyândan acz ve müddeʻî-i mezbûr Murtaza baʻde’t-taʻrîfi’ş-şerʻî ikrârıyla sâbit olan altı guruş ve şuhûd-ı udûlle sâbit altı guruş ki; meblâğ-ı müddeʻâ-yı merkūm on iki guruşu müddeʻî-i mezbûr Murtaza’ya edâ ve teslîme mezbûr Osman Beşe’ye tenbîh olunmuşdur . Bâkī fermân men-lehü’l-emrindir. Fî gurre-i Muharremi’l-harâm li-sene selâse ve sittin ve miʼe ve elf.