Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 524 Hüküm no: 813 Orijinal metin no: [95a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Ahmedʼin Mehmed’e olan borcunu ödemesi Maʻrûz-ı dâʻî-i Devlet-i aliyyeleridir ki; İşbu bâʻisü’l-iʻlâm Mehmed nâm kimesne Edirnekapısı yasakcısı mübâşeretiyle ihzâr olunan Ahmed nâm kimesne zimmetinde cihet-i deynden olan dokuz guruş hakkımdan bâkī beş guruş hakkım olmağla taleb ederim deyü baʻde’d-daʻvâ ol dahi ikrâr lâkin beş guruş müddeʻî-i mezbûrun oğlu ( ) nâm kimesne benim vesâtetimle ecânibden ol mikdâr kıymetli hınta alıp babası müddeʻî-i mezbûra teslîm ile edâ etmişimdir deyü defʻi meşrûʻ olmayıp ikrârına binâʼen meblâğ-ı bâkī-i mezbûr beş guruşu müddeʻî-i mezbûr Mehmed’e teslîme mezbûr Ahmed’e tenbîh ve tescîl olunmuşdur. Bâkī fermân hazret-i veliyyü’l-emrindir. Fî gurre-i Muharremi’l-harâm li-sene selâse ve sittin ve miʼe ve elf. Yanlış kaydolunmağla altıncı varakda tashîhan kaydolunmuşdur.