Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 525 Hüküm no: 815 Orijinal metin no: [95b-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Küfreden Osman Beşe’nin cezalandırılması Maʻrûz-ı dâʻî-i Devlet-i aliyyeleridir ki; Medîne-i Eyüb’de Zeyneb Hatun Mahallesi sâkinlerinden işbu bâʻisü’l-iʻlâm Mehmed nâm mühtedî Vâlidesarayı ser-bölüğü Ahmed Beşe mübâşeretiyle hammal tâifesinden Osman Beşe’yi meclis-i şerʻa ihzâr ve murâfaʻa ve mûcib-i taʻzîr elfâz ile itâle ve ırzımı pây-i mal eyledi deyü müddeʻî-i mezbûrun ber-vech-i muharrer müddeʻâsını mezbûr Osman Beşe <> ikrârıyla sâbit olmağın mûcebiyle mezbûr Osman Beşe’ye taʻzîr lâzım geldiği bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 27 min-Zilhicce sene 1162