Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 526 Hüküm no: 816 Orijinal metin no: [95b-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Turşucuzâde Hüseyin Çelebi Vakfı’na aid olan menzilin Afife Hatun’a devredildiği Maʻrûz-ı dâʻî-i Devlet-i aliyyeleridir ki; Derûn-ı iʻlâmda mezkûr nezâretimizde olan evkāfdan merhûm Turşucuzâde Hüseyin Çelebi Vakfı’ndan icâreteyn ile maʻlûmü’l-hudûd vakıf menzilin mutasarrıfesi Afîfe nâm hatunun tarafından sâbitü’l-vekâle vekîli olan İmam Mehmed Efendi mukaddemâ menzil-i vakf-ı mezbûrenin sâhibesi derûn-ı iʻlâmda mastûrü’l-ism Tarine nâm Nasrâniye ile baʻde’n-nizâʻ menzil-i vakf-ı mezbûru iki yüz otuz guruş bedel-i ferağ-ı makbûza hüsn-i rızâsıyla bâ-maʻrifet-i mütevellî mesfûre Tarine Nasrâniye fâriğa olup husûs-ı mezbûra müteʻallika birbirleriyle ibrâ ve katʻ-ı nizâʻ etdiklerini Eyüb mahkemesinde tescîl etdirdikleri mübâşirleri es-Seyyid Ahmed Çavuş iltimâsıyla huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’r-râbiʻ ve’l-ışrîn min-Zilhicceti’ş-şerîfe li-sene isneyn ve sittin ve miʼe ve elf.