Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 526 Hüküm no: 817 Orijinal metin no: [95b-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Resül Beşe’nin kefâletden dolayı Aʻrec İbrahim’e olan borcunu ödemesi Maʻrûz-ı dâʻî-i Devlet-i aliyyeleridir ki; Hürremâbâd karyesinde sâkin işbu bâʻisü’l-iʻlâm Aʻrec İbrahim nâm kimesne Resul Beşe muvâcehesinde cihet-i karz-ı şerʻîden işbu hâzır bi’l-meclis Ali nâm kimesne zimmetinde bâ-temessük yedi guruş hakkım olup işbu mezbûr Resul bi’l-emr ve’l-kabûl bi-şartü’r-rücûʻ kefîl-bi’l-mâl olmağla kefâletine binâʼen taleb ederim deyü baʻde’d-daʻvâ mezbûr Resul ber-vech-i muharrer kefâlet-i merkūmeyi ikrâr ve iʻtirâf etmekle mûcebince meblâğ-ı merkūm yedi guruşun edâsına mezbûr Resul’e tenbîh olunduğu tescîl olunup huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fî 26 min-Zilhicceti’ş-şerîfe sene 1163