Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 528 Hüküm no: 821 Orijinal metin no: [96a-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Havva Hatun’un evine girip zarar verdiği tespit olunan Bostanî Muhyiddin’in cezalandırılması Maʻrûz-ı dâʻî-i Devlet-i aliyyeleridir ki; Medîne-i Eyüb’de Nişancı Mahallesiʼnde sâkine işbu sâhibetü’l-iʻlâm Havvâ bt. Hamza nâm hatun meclis-i şerʻde Bostanî Muhyiddin b. Ali muvâcehesinde târîh-i iʻlâmdan beş gün mukaddem mezbûr Muhyiddin âlet-i darbla ben menzilimde yok iken menzilime duhûl ve bir mikdâr bezimi katʻ edip bana ar lâhık olmağla mûcib-i şerʻîsini taleb ederim deyü baʻde’d-daʻvâ ve’l-inkâr talebiyle mezbûr Muhyiddin’e yemîn teklîf olunup nükūl etmekle mûcebince mezbûr Muhyiddin’e taʻzîr lâzım geldiği bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâdis ve’l-ışrîn min-Zilhicceti’ş-şerîfe sene 1162