Eyüp Mahkemesi 182 Numaralı Sicil (H. 1154-1161 / M. 1741-1748) cilt: 72, sayfa: 528 Hüküm no: 822 Orijinal metin no: [96a-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Kiro isimli gencin kendisini darbedip dişini kıran Kiga isimli zimmî ile bedeli karşılığında anlaştığı Maʻrûz-ı dâʻî-i Devlet-i aliyyeleridir ki; Medîne-i Eyüb’de sebzeci hizmetinde olan Kiro nâm şâbb-ı emred işbu hâmilü’l-iʻlâm kasab kanâdârı Kiga nâm zimmî ile baʻde’l-murâfaʻa ve’l-münâzaʻa mesfûr Kiga yirmi bir gün mukaddem akşama karib sevâhil-i Eyüb’de ağzıma bi-gayr-ı hakkın darb ve sol tarafdan bir dişimi ihrâc etmişdir deyü tasaddî eylediğim daʻvâ-yı mezbûremden bir altun bedel-i makbûza mesfûr Kiga ile sulh olup husûs-ı mezkûra müteʻallika âmme-i deʻâvîden her birimiz âharın zimmetlerini ibrâ ve katʻ-ı nizâʻ etdikleri baʻde’t-tescîl bi’l-iltimâs huzûr-ı âlîlerine iʻlâm olundu. Bâkī fermân hazret-i veliyyü’l-emrindir. Fi’l-yevmi’s-sâbiʻ ve işrîn min-Zilhicce sene [1]162